“Kodi Penal ka mangësi”, gazetarja Çela: Dënohen dhe vajzat që shfrytëzohen

Gazetarja Lindita Çela u shpreh se qendrat e masazhit që përdoren dhe si vende për të zhvilluar prostitucionin, nuk i sheh si mosfunksionim të ligjit, shtetit apo policisë.

Sipas saj ky është  një fenomen që mund të frenohet nëse çdo institucion kryen detyrën e tij.

Çela tha për “SOT” në Euronews Albania se ka bindjen absolute se pas çdo vajze fshihet një tutor.

“Nuk ka një vajzë që pranon të ushtrojë këto lloj profesioni, në thonjëza, nëse nuk ka një tutor nga pas,” – u shpreh gazetarja.

Në gjykimin e saj kodi penal ka mangësi sa i takon kësaj problematike. Ligji, sipas Çelës nuk jep asistencën e duhur për këto vajza, duke konsideruar këtu 4 mijë lekë dhe faktin që në kartelë shënohet që paratë jepen për këtë çështje.

Gazetarja theksoi se duhet diskutuar fillimisht sistemi i drejtësisë, që ndonjëherë dënon dhe vajzat që shfrytëzohen, që më pas të diskutohet për legalizimin e prostitucionit.

LEXONI GJITHASHTU:

• Thirrja e sociologut: Të legalizohet prostitucioni