Koha për Krishtlindje! Në qytetet italiane zbukurimet mirëpresin qytetarë e turistë

Siç ndodh çdo vit më 3 dhjetor, përmes një ceremonie në sheshin ‘Shën Pjetër’ të Vatikanit u instalua skena që risjell në kujtesë lindjen e Krishtit. E po ashtu u ndezën dritat e pemës madhështore.

Në këtë aktivitet morën pjesë delegacione nga rajonet që këtë vit dhuruan pemën dhe pjesët e skenës.

Skena e Lindjes së Krishtit u dha nga qyteti i Friuli në Venecia, ku ende sot ekziston një traditë e vjetër e gdhendjes së drurit.

Pema e Krishtlindjes, një bredh i argjendtë, është dhuratë nga qyteti Rosello në Abruzzo.

Ceremonia e Ndriçimit të Pemës së Krishtlindjes në Betlehem u organizua  nga Bashkia Betlehem nën kujdesin e veçantë të presidentit të Palestinës, Mahmud Abbas.

Tregu historik i Krishtlindjeve në Bolzano, për herë të parë pas dy viteve nisi pa kufizimet e COVID-19.

Mbi 700 mijë njerëz argëtohen çdo vit duke shëtitur nëpër rreth 80 shtëpi tradicionale prej druri me ngjyra, ku mund të gjeni dekorime origjinale të pemës së Krishtlindjes, objekte të punuara me dorë prej druri, qelqi ose qeramike, si dhe ushqime të shijshme të përgatitura sipas traditës së Tirolit të Jugut.

LEXONI GJITHASHTU:

• Italia: Evropa duhet të kufizojë ndikimin rus në Ballkan
• Infantino pa rival në zgjedhjet për kreun e FIFA-s, italiani pritet të rikonfirmohet