Aldi Zonja, një nga personat e arrestuar në kuadër të grupit të trafikut të kokainës nga Amerika Latine, ka ankimuar masën e sigurisë “arrest në burg”, të vendosur nga Gjykata e Shkallës së Parë më 18 nëntor të këtij viti.

Përmes mbrojtjes ligjore, 37-vjeçari kërkon revokimin e masës shtrënguese në Gjykatën e Apelit të Posaçëm. Zonja ishte mes 10 personave të arrestuar në kuadër të një operacioni policor të zhvilluar më 15 nëntor, me urdhër të Prokurorisë së Posaçme Antikorrupsion (SPAK).

Të gjithë të arrestuarit kanë mohuar përfshirjen e tyre në këtë rrjet dhe kanë kundërshtuar akuzat e ngritura nga prokuroria. Nga ky operacion ranë në pranga Aldi Zonja, Geis Fejsullai, Klajd Birçe, Artion Caushllari, Endi Sejdini, Ismail Abdurrahmani, Baki Huqi, si dhe tre shtetas të huaj, dy nga Venezuela dhe një nga Kolumbia.

Për lëkurat e kafshëve në Republikën Dominikane, Prokuroria e Posaçme ka evidentuar se janë paguar 40 mijë dollarë amerikanë, ndërsa është dokumentuar udhëtimi dhe qëndrimi në këtë shtet i Aldi Zonjës. Nga vëzhgimi disa mujor në terren, SPAK ka ngritur dyshime se ky grup mund të ketë ndihmuar edhe grupe të tjera për të ekstraktuar kokainë në zona të tjera të vendit, në laboratorë të improvizuar.

LEXONI GJITHASHTU:

• Jo vetëm pije, shërbente dhe drogë/ Kapet kamarjerja në Fier, sekuestrohen 13 mijë €
• Republika Domenikane sekuestron 9.5 tonë kokainë në një ngarkesë me banane