Republika Domenikane sekuestron 9.5 tonë kokainë në një ngarkesë me banane 

Autoritetet e Republikës Domenikane njoftuan se kapën pothuajse 9.5 ton kokainë të fshehur në një ngarkesë banane, e cila u vlerësua si kapja më e madhe e drogës në historinë e vendit, shkruan “Guardian”.

Kokaina, me vlerë 250 milionë dollarë, u gjet në një ngarkesë që mbërriti në një kompleks portual të madh pranë Santiagos.

Ngarkesa u dërgua nga Guatemala dhe supozohej të mbërrinte në Belgjikë, tha zëdhënësi i Divizionit të Narkotikëve, Carlos Devers.

Në lidhje me konfiskimin janë arrestuar dhjetë të dyshuar.

Kjo sekuestro vendosi një rekord të ri, duke tejkaluar atë të mëparshëm të vitit 2006, kur u sekuestruan 2.6 ton kokainë.

Autoritetet Domenikane sekuestruan pothuajse 47 tonë lëndë narkotike këtë vit.