Kombëtarja shqiptare e vajzave nis përgatitjet për kualifikueset e Kupës së Botës 2027

Kombëtarja shqiptare e vajzave ka nisur në Shkodër përgatitjet për dy ndeshjet e para të vitit 2026 në kuadër të kualifikuesve të Kupës së Botës “Brazil 2027”, kundër Malit të Zi më 3 mars dhe Çekisë më 7 mars në stadiumin “Loro Boriçi”. Shqipëria ndodhet në Grupin B1 të Ligës B së bashku me Malin e Zi, Çekinë dhe Uellsin.

Nën drejtimin e trajnerit Armir Grima dhe stafit të tij, skuadra zhvilloi seancën e parë stërvitore, ku ishin të pranishme shumica e futbollisteve. Mbrëmjen e sotme grupi u kompletua me ardhjen e Marinela Memës, Antigoni Hyskës dhe Mikaela Metallës. Po ashtu rikthehen edhe Gresa Berisha dhe dy lojtaret e ekipeve kombëtare të moshave, Xhesika Ndoj dhe Adela Valeria Qose.

Trajneri Grima vlerësoi motivimin dhe përkushtimin e skuadrës dhe theksoi objektivat: të sigurohet qëndrimi në Ligën B dhe të arrihen pikët e nevojshme për të synuar fazën Play-off, nëse Shqipëria renditet në vendin e parë, të dytë ose të tretë të grupit. Përgatitjet do të vazhdojnë në Shkodër para se ekipi të niset drejt Malit të Zi.