‘Rithemelimi’ i përgjigjet Yuri Kim: Tërhiqu, po ndërhyn në zgjedhje

Komisioni i Rithemelimit e cilësoi ndërhyrje në fushatë deklaratën e ambasadores Yuri Kim për kandidatët e tyre dhe i kërkoi ambasadores të tërheqë deklaratën.

“Komisioni i konsideron ato si ndërhyrje të palejueshme, të papranueshme, e të njëanshme në procesin zgjedhor, në rastin konkret në favor të qeverisë më të korruptuar të Europës”, thuhet në reagimin e Komisionit të Rithemelimit.

13 ditë përpara se qytetarët e 6 bashkive t’ju drejtohen kutive të votimit për të zgjedhur kryebashkiakun e ri, ambasadorja e SHBA në Shqipëri, Yuri Kim iu ka dërguar një mesazh kandidatëve që mbështeten nga persona të shpallur non grata.

“Nëse mbështetësi juaj kryesor është dikush i përcaktuar publikisht nga Shtetet e Bashkuara të Amerikës për korrupsion madhor, çfarë po u premtoni votuesve saktësisht? Kush do t’ju zotërojë nëse fitoni dhe çfarë do t’i detyroheni atyre?” shkroi ambasadorja në rrjetet sociale.

Deri më tani, Shtetet e Bashkuara kanë përcaktuar publikisht katër persona në Shqipëri. Ata janë Sali Berisha, Tom Doshi, Vangjush Dako dhe Adriatik Llalla.

LEXONI GJITHASHTU:

• Kim-kandidatëve të Berishës: Çfarë po u premtoni votuesve?
• Komisioni i Rithemelimit mbetet jashtë koalicionit Shtëpia e Lirisë