Kompania ‘Meta’ gjobitet me 1.2 miliard euro për shkeljen e rregullave të BE-së

Kompania Meta, që ka në pronësi Facebook-un, është gjobitur me një shifër rekord prej 1.2 miliard eurosh, për shkak të transferimit të të dhënave të përdoruesve të Bashkimit Evropian në Shtetet e Bashkuara.

Komisioni Irlandez i Mbrojtjes së të Dhënave njoftoi të hënën se Meta shkeli Rregulloren e Përgjithshme për Mbrojtjen e të Dhënave (GDPR) kur transferoi në Shtetet e Bashkuara të dhëna personale të përdoruesve evropianë të Facebook, pa i mbrojtur ata mjaftueshëm nga praktikat e mbikëqyrjes së të dhënave të Uashingtonit.

Ky transferim i të dhënave është bërë në kundërshtim me një vendim paraprak gjyqësor, tha rregullatori në Irlandë më 22 maj.

Komisioni irlandez për Mbrojtjen e të Dhënave ka hetuar transferimin që ka bërë Meta të të dhënave personale të përdoruesve nga BE-ja në SHBA që nga viti 2020.

Ky hetim gjeti se Meta, që ka selinë evropiane në Dublin, ka dështuar “të adresojë rreziqet e të drejtave fundamentale dhe lirive të të dhënave të përdoruesve” që paraprakisht ishin identifikuar se u ishin transferuar të dhënat, sipas vendimit të Gjykatës për Drejtësi të Bashkimit Evropian.

Kjo gjykatë interpreton ligjet e BE-së dhe sigurohet që ato të aplikohen në të njëjtën mënyrë në të gjitha shtetet anëtare.

LEXONI GJITHASHTU: 

• Çështja Beleri, Dendias dhe Xhaçka takim “kokë më kokë” në Bruksel
• Politikanë malazezë kundër Kosovës, gazetari detaje nga zgjedhjet në Mal të Zi