“Kompanitë kishin 70% të tregut “, Biba flet për gjobitjen e 4 grosistëve

Kreu i Autoritetit të Konkurrencës Denar Biba ka folur në lidhje me abuzimet që kanë kryer 4 kompanitë e miellit gjatë një periudhe të gjatë kohore.

Në një intervistë për Euronews Albania, ai tha se për herë të parë shkelja është identifikuar në vitin 2020, dhe këto kompani të cilat tashmë janë gjobitur vazhdonin të njëjtën sjellje me abuzimet që prej asokohe.

Më tej ai theksoi se këto kompani zënë 70% të tregut.

“Kjo vendimmarrje është e gjatë dhe ka pasur edhe jehonën e vet në media, dhe vitin e kaluar, kur kolegët e mi identifikuan shkeljen. Shkelja është identifikuar për herë të parë në 2020.  Këto kompani vazhdonin të njëjtën sjellje. Kemi konstatuar një sjellje të bashkërenduar. Kompanitë kanë pasur disa qindra të përbashkëta. Ata kanë shitur vlera të konsiderueshme të miellit të bukës sepse ne aty u fokusuam. Autoriteti vlerësoi se do të hetonte vetëm ata që kishin mbi 4% të tregut. Të katërta këto kompanitë kanë rreth 70% të tregut”- tha ai.

LEXONI GJITHASHTU: 

• Veriu i Kosovës në prag lufte? Ish-ambasadori: Momenti kur nisi tensioni me Serbinë
• Eksperti: Ervis Martinaj ka pasur shumë policë në rrjetin e tij