Kompensimi financiar i ndërtuesve ‘përplas’ Ahmetajn dhe Dumën në Kuvend

Kuvendi po diskuton këtë të enjte aktin normativ për kompensimin financiar të ndërtuesve.

Ky akt synon të ndihmojë kompanitë që kanë marrë përsipër ndërtimin e veprave publike duke i kompensuar për rritjen e çmimeve të disa materialeve.  Vendimi është kundërshtuar nga opozita në komisionet parlamentare.

Zëvendëskryeministri Arben Ahmetaj tha gjatë seancës se kriza e çmimeve është pasojë e pushtimit rus të Ukrainës.

“Debati është për një akt normativ që në titull ka kompensimin. Pyetja është fare e thjeshtë, çfarë është duke bërë qeveria me këtë akt dhe a ka logjikë vazhduese të filozofisë së një qeverie? E gjitha bota e ka prenuar se kriza e çmimeve është konsegencë e shumëfishtëe agresionit rus, që nga energjia e deri te ushqimet”, u shpreh Ahmetaj.

Ndërsa, deputetët e opozitës thanë se kemi të bëjmë me një vendim klientelist të qeverisë.

“Ky parlament, potencialisht 140 deputetë janë mbledhur për aktin normativ nr.10 që ca kompani të mëdha, që e kanë të sigurtë tregun se kanë marrë tenderat publikë. Ju shqetësoheni se aksionerët e peshqeve të mëdhenj, marrin apo jo rimbursimin e kontratave të tenderave publikë”, theksoi Duma.

LEXONI GJITHASHTU

• Çmimi i naftës në Shqipëri nuk është më i larti në Europë, thotë Ahmetaj
• Ibrahimaj: Pa Bordin e Transparencës, do e paguanim naftën më shtrenjtë