Komuniteti i ri Politik, Rama: Ndërtojmë diçka shumë të rëndësishme për njerëzit

Udhëheqësit e Bashkimit Europian dhe 17 liderët e vendeve jo anëtare të unionit janë takuar sot në kryeqytetin çek, Pragë. Ky takim në kalanë e Pragës vjen pas propozimit të presidentit francez Emanuel Macron për një komunitet të ri politik europian.

Në një prononcim për mediat para nisjes së samitit, kryeministri shqiptar Edi Rama u shpreh se për vendet e Europës gjëja më e rëndësishme është që të jenë të bashkuara.

“Sigurisht që nuk është një ide e re, është një ide e shumë e vjetër, por e rilindur në kohë krizash dhe shpresoj që nuk do të kemi kriza të tjera tek të cilat mos të na duhet të bëjmë mbledhje të tilla si kjo, por nga kjo mbledhje ne do të vazhdojmë dhe do të ndërtojmë diçka shumë të rëndësishme për të gjithë komunitetin dhe njerëzit europianë”, tha Rama.

I pyetur se çfarë vlere ka për Shqipërinë komiteti politik Evropian, Rama u shpreh se Shqipëria është pjesë e rajonit të Ballkanit perëndimor, e rrethuar nga vendet e bashkimit Evropian si një e tërë.

“Dhe për ne është absolutisht vendimtare, që edhe pse nuk jemi ende në BE, ne jemi evropianë”, tha Rama.

LEXONI GJITHASHTU:

• Komuniteti Politik në Pragë, Borrell: Po krijojmë një rend të ri pa Rusinë
• ​Nesër mblidhet Komuniteti Politik Evropian, s’priten rezultate konkrete për Kosovën