Konferenca “Teologjia” në Selanik, Kryepiskopi Joan takon Patriarkun Bartholomeu I

Këtë të mërkurë u mbajt dita e tretë e Konferencës së II Ndërkombëtare të revistës “Theologjia” me temë: “Teologjia Orthodhokse dhe Ontologjia e Teknologjisë: Pasojat Antropologjike, Politike, Ekonomike, Shoqërore dhe Kulturore”.

Në kuadër të pjesëmarrjes në këtë konferencë, Patriarku Ekumenik, Tërëshenjtëria e Tij, Bartholomeu I, zhvilloi në Selanik një takim vëllazëror dhe të përzemërt me Kryepiskopin e Shqipërisë, Fortlumturinë e Tij, z. Joan.

Kujtojmë që konferenca po zhvillohet në Kishën e Shën Dhimitrit në Selanik, ku më 29 shtator u hap edhe zyrtarisht aktiviteti, i cili u nderua me praninë e Presidentit të Republikës së Greqisë, z. Konstantinos Tassoulas.

Gjatë ditës së dytë të konferencës, Kryepiskopi i Kishës Orthodhokse të Shqipërisë mbajti një kumtesë me temë “Alienimi digjital dhe terapeutika orthodhokse”, duke u bërë një ndër referuesit kryesorë të eventit.

Ky bashkim i lartë shpirtëror shndërroi Selanikun në një qendër të rëndësishme të dialogut ndërkombëtar mbi marrëdhënien ndërmjet besimit orthodhoks dhe teknologjisë, duke theksuar dimensionet antropologjike, politike dhe kulturore të këtij diskutimi.