Konfiskimi i kateve pa leje, juristi zbërthen VKM-në: Mekanizëm legalizimi pa kosto

Në emsionin Review në Euronews Albania, u diskutua këtë të shtunë vendimi i qeverisë për konfiskimin e objekteve pa leje. Një investigim i Birn tregoi se ky vendim nuk i ka ndëshkuar ndërtuesit, por përkundrazi i ka favorizuar ata.

I ftuar në panel juristi Jordan Daci tha se ndërtuesit  do paguajnë për blerjen e këtyre kateve pa leje shumë herë më pak se do të paguanin nëse do të kryenin procesin e legalizimit.

Daci theksoi se vendimi i qeverisë është antikushtetues, por nuk u kundërshtua nga askush dhe ndaj ngeli në fuqi. Ai e quajti atë një mekanizëm të pastër legalizmi por duke hequr kostot.

“Fakti që kjo VKM nuk u çua në Gjykatën Kushtetuese nga ata që prekeshin tregoi që ata e parashikonin se ku do të dilnin. Këto lloj çështjesh nuk mund të rregullohen me vendime të Këshillit të Ministrave, por me ligj. Është vetëm ligji ai që vendos dhe këtë e thotë Kushtetuta nuk e them unë. Kjo VKM nuk u kundërshtua nga askush dhe u pranua. Nëse qëllimi do të kishte qenë ai që u tha, të paktën qëllimi nuk ishte i paligjshëm, por forma e gjetur ishte antikushtetuese.

Ka qenë një mekanizëm për legalizim i legalizoi me kosto zero, pasi me legalizim do të paguanin taksa më shumë se sa me këtë skemë”, tha Daci.

LEXONI GJITHASHTU:

• Ndërtimet pa leje/ Daci: Çudira, katet e para kanë kosto 1000 €, të fundit 200 euro
• Ndërtuesit blejnë 200 € m/2 katet pa leje, Qori: Të moshuarit në burg për 1 gardh