Konflikti në lulishte, i mituri në Lushnjë godet me thikë 17-vjeçarin

Një 15-vjeçar në Lushnjë është shoqëruar në Polici pasi ka qëlluar me thikë një 17-vjeçar.

Lajmin e bëri të ditur Policia përmes një njoftimi, ku thuhet se ngjarja ndodhi rreth orës 11:00, në lulishten e qytetit, pas një konflikti për motive të dobëta.

Ndërkohë grupi hetimor po punon për sqarimin e plotë të rrethanave të ngjarjes.

Njoftimi i Policisë:

Lushnjë-Goditi me mjet prerës një shtetas 17 vjeç, kapet dhe shoqërohet në Polici, 15-vjeçari.

Rreth orës 11:00, në lulishten e qytetit Lushnjë, pas një konflikti për motive të dobëta, një shtetas 15 vjeç nga Pluku, ka goditur me mjet prerës (thikë), një shtetas 17 vjeç nga Savra, dhe është larguar nga vendngjarja.

Pas ndjekjes nga shërbimet e Komisariatit të Policisë Lushnjë, u bë e mundur kapja dhe shoqërimi në Komisariat i 15-vjeçarit, me të cilin po kryhen veprimet në prani të avokatit dhe psikologut.

U sekuestrua në cilësinë e provës materiale, thika me të cilën 15-vjeçari ka goditur 17-vjeçarin.

17-vjeçari ndodhet i shtruar në spital, në kujdesin e mjekëve.

Grupi hetimor po punon për sqarimin e plotë të rrethanave të ngjarjes.

LEXONI GJITHASHTU:

• FOTO| Mjeti me të cilin lëvizën autorët e grabitjes në Kamëz
• Grabitje me armë zjarri në Kosovë, plagoset një efektiv policie