Konsumon sasi të konsiderueshme ilaçesh, ndërron jetë gruaja në spitalin Nënë Tereza

Një 43-vjeçare ka ndërruar jetë në spitalin “Nënë Tereza” në Tiranë, pasi kishte konsumuar një sasi të konsiderueshme medikamentesh.

Pas konsumimit të ilaçeve, gruaja u transportua me urgjencë nga banesa e saj në Klos, për trajtim më të specializuar në Qendrën Spitalore Universitare “Nënë Tereza”.

Fatkeqësisht 43-vjeçarja ndërroi jetë pavarësisht ndihmës së mjekëve.

Grupi hetimor po punon për sqarimin e rrethanave të ngjarjes.

“Në orët e para të mëngjesit të sotëm, në banesë, shtetasja V.Z., 43 vjeçe,  dyshohet se ka konsumuar një sasi të konsiderueshme medikamentesh mjekësore antidepresiv.

43-vjeçarja,  u transportua për mjekim në Qendrën Spitalore Universitare “Nënë Tereza”,  në gjendje të rëndë shëndetësore, ku më pas ka ndërruar jetë”, njofton policia.