Konventa e PL| Miratohen propozimet e Metës, rrëzohet një nga kërkesat e Kryemadhit

Ditën e sotme u mbajt Konventa Kombëtare e Partisë së Lirisë, ku ishin parashikuar disa ndryshime brenda kësaj force politike.

Në Konventë mbajtën fjalën e tyre disa të pranishëm, mes të cilëve edhe kryetari aktual i kësaj force politike, Ilir Meta, i cili tha se mbrëmjen e sotme së bashku me simpatizantët e PL-së, do të shkojnë poshtë pallatit të ish-kryeministrit Sali Berisha, në mbështetje të tij.

Gjatë Konventës u votua edhe për postin e Presidëntit të kësaj force politike, me Monika Kryemadhin që tregoi votën e saj për Ilir Metën në krye të kësaj force politike.

Ndërkohë në votim kaluan edhe disa propozime, dy prej të cilave ishin të Monika Kryemadhit, njëri prej të cilëve, ai për konfliktin e interesit u rrëzua.

Ndërkohë u pranua propozimi i dytë i Kryemadhit, që lidhet me buxhetimin e grave, por me disa ndryshime në përqindjen e buxhetimit.

Po ashtu u votuan edhe propozimet e Metës për ndryshime në Statut, ndër të cilat edhe për t’i dhënë fund sipas tij nepotizmit, duke mos lejuar mbajtjen e posteve në strukturat drejtuese, të personave nga e njëjta familje.

Kujtojmë se në Konventë u shpalosën edhe 5 prioritetet e PL-së për një Shqipëri me 4 milionë shqiptarë.

LEXONI GJITHASHTU:

• Meta nuk e ndjek, Kryemadhi shpalos pikat: Buxhetimi i grave e konflikti i interesit
• Meta: Ambasadorin italian e shpallja non-grata, s’diskutohet dekreti i presidentit