Korça dhe fshatrat turistikë të Voskopojës, Dardhës e Boboshticës edhe gjatë muajit shtator janë të vizituara nga turistët e huaj, kryesisht ata që vijnë nga Europa Perëndimore të cilët janë të interesuar për monumentet e trashëgimisë kulturore dhe sajtet arkeologjike

Një grup turistësh spanjollë që vijnë për herë të parë tregojnë se u bën përshtypje mikpritja e banorëve të qytetit dhe pastërtia që gjejnë

“Është hera ime e parë në Shqipëri. E vërteta është se është vend shumë i bukur dhe pastër, më bën përshtypje dashuria që falni dhe qetësia që gjejmë”, thotë një turiste.

“Po shoh pikturën e plotë, atë që kemi dëgjuar, historiane që na kanë thënë për shqiptarët dhe atë që shoh vet. Ndryshimi është i madh. Njerëzit janë shumë të sjellshëm, shumë të buzëqeshur”, shprehet një tjetër,

Agron Miri është guida turistike që shoqëron turistët, i cili tregon se është vet historia e Shqipërisë ajo që tërheq vëmendjen e turistëve

Ndryshe nga një vit më parë, këtë vit operatorët turistike të juglindjes së vendit bëjnë të ditur se edhe muaji tetor është i rezervuar me turistë të huaj

LEXONI GJITHASHTU:

• Korça destinacioni i preferuar, rriten vizitat në muze dhe fshatra
• Korça përfshihet nga stuhia, era e fortë shkul çatitë nga vendi