Një 37 vjeçar në Korçë është vënë në pranga pasi dyshohet se kishte vjedhur një televizor dhe një shumë parash në shtëpinë e qytetarit me inicialet O.C. gjatë kohës kur ky i fundit ishte në Greqi.
Rreth orës 13:00, në Komisariatin e Policisë Korçë, është paraqitur dhe ka bërë kallëzim shtetasi O.C, i cili ka deklaruar se mesditën e sotme kur është kthyer nga Greqia ka konstatuar se i kishin vjedhur në banesë televizorin, një shumë parash dhe sende të tjera.
Bazuar mbi këto dyshime, shërbimet e Policisë kanë shkuar në banesën e 37 vjeçarit E.B, për ta shoqëruar në Komisariat, si person i dyshuar për vjedhjen e ndodhur.
Në momentin që shërbimet e Policisë kanë shkuar te banesa dhe i kanë komunikuar shtetasit E.B, që do shoqërohej në Komisariat për tu marrë në pyetje, ky shtetas ka përplasur derën duke thyer xhamin e derës.
Më pas ka tentuar të largohej nga dera tualetit, por nuk ka mundur pasi është prangosur nga shërbimet e Policisë.
Shtetasi E.B, është shoqëruar në spital dhe mori ndihmë mjekësore pasi u dëmtua në dorë nga xhamat e derës.
Njëkohësisht edhe një nga punonjësit e policisë mori mjekim pasi u dëmtuar nga xhamat gjatë prangosjes së shtetasit E.B.
Shtetasi E.B, pas mjekimit është shoqëruar në ambientet e Policisë për veprime të mëtejshme procedurale të cilat po kryhen nën drejtimin e Prokurorisë dhe të Agjencisë së Mbikëqyrjes Policore.
LEXONI GJITHASHTU:
- Makina përplas motorin në Korçë, plagoset drejtuesi
- Vodhi 4 celularë në dhomat e pacientëve në spitalin e Vlorës, arrestohet 38-vjeçari
