Policia e Koresë së Jugut ka nisur një hetim në platformën e mesazheve Telegram për shkak të të ashtuquajturit “Deepfakes” të krimeve seksuale në internet, raportoi sot Yonhap, duke cituar një zyrtar të policisë të paidentifikuar.

Hetimi duhet të zbulojë nëse ka pasur ndonjë nxitje në aplikacion për të prodhuar përmbajtje seksualisht eksplicite ‘deepfake’, dmth përmbajtje të krijuara duke përdorur inteligjencën artificiale.

Autoritetet e Koresë së Jugut u kanë bërë thirrje zyrtarëve të Telegram dhe platformave të tjera të mediave sociale që të bashkëpunojnë në luftën kundër përmbajtjeve të qarta seksuale.

Më parë, media të shumta të Koresë së Jugut raportuan se imazhet dhe videot seksualisht eksplicite të krijuara nga inteligjenca artificiale, duke përdorur fytyrat e grave koreano-jugore, shpesh mund të gjendeshin në grupe dhe “chat room” në Telegram.

Telegram tha se administratorët po moderojnë në mënyrë aktive përmbajtje të dëmshme në platformë, duke përfshirë heqjen e përmbajtjes pornografike.

“Moderatorët përdorin një kombinim të monitorimit proaktiv të pjesëve publike të platformës, mjeteve të sofistikuara të inteligjencës artificiale dhe raporteve të përdoruesve për të hequr miliona pjesë të përmbajtjes së dëmshme çdo ditë”, thuhet në deklaratë.

LEXONI GJITHASHTU:

• A do mund t’a përdor BE Telegram-in, ja vendimi i Komisionit Europian
• EMRAT| Përplasje me armë zjarri mes 2 fiseve në Prishtinë, 1 i vrarë e 5 të plagosur