Koreja e Veriut lëshon raketa balistike edhe në ditën e fundit të 2022-shit

Koreja e Veriut ka lëshuar tre raketa balistike me rreze të shkurtër në lindje të gadishullit Korean, thotë ushtria e Koresë së Jugut.

Lëshimi i raketave vjen pesë ditë pasi dronët e Koresë së Veriut fluturuan në hapësirën ajrore të Koresë së Jugut për herë të parë që nga viti 2017.

Koreja e Veriut ka lëshuar më shumë raketa këtë vit se kurrë më parë, shkruan BBC.

Uashingtoni tha se lëshimet e fundit të raketave nuk përbëjnë një kërcënim të menjëhershëm për SHBA-në ose aleatët e saj.

Tre raketat balistike me rreze të shkurtër u lëshuan rreth orës 08:00 me orën lokale nga provinca e Veriut Hwanghae, në jug të kryeqytetit Phenian, tha Shefi i Shtabit të Përbashkët të Koresë së Jugut.

“Lansimi i raketave balistike nga Koreja e Veriut është një provokim i rëndë që minon paqen dhe stabilitetin në Gadishullin Korean si dhe komunitetin ndërkombëtar”, sipas tyre.

LEXONI GJITHASHTU

• Paralajmërimi i ministrit ukrainas: Rusia po përgatitet për mobilizim të ri ushtarak
• Turqia pranon tërheqjen e trupave nga Siria veriore
• Ç’po ndodh në SHBA? 2 mesazhet tërësisht të kundërta të Joe Biden dhe Donald Trump