Kjo e premte shënoi testin e parë të korridorit të ri detar mes Qipros dhe Rripit të Gazës. Në Nikozia, në një konferencë të përbashkët për shtyp me presidentin qipriot, presidentja e Komisionit Evropian njoftoi dërgimin e një anijeje të mbushur me ndihma humanitare. Bëhet fjalë për një përpjekje të përbashkët të BE-së, SHBA dhe vendeve partnere.
“Sot po përballemi me një katastrofë humanitare në Gaza dhe ne jemi me civilët e pafajshëm palestinezë. Sfida kryesore është t’u çojmë njerëzve në terren ndihma dhe ne i dimë vështirësitë që ekzistojnë në kufijtë tokësorë me Gazën, si në kalimin e Rafahut, ashtu dhe në korridorin e Jordanisë”, tha Ursula von der Leyen, presidente e Komisionit Evropian.
Dërgimi i ndihmave përmes tokës në Rripin e Gazës po bëhet gjithnjë e më i vështirë. Opsioni i ditëve të fundit ka qenë ai i hedhjes së pakove nga ajri.
Agjencia e OKB-së për Gazën, UNRWA akuzon Izraelin se ka kufizuar qëllimisht aksesin e ndihmave. Vdekjet nga kequshqyerja po rriten dita ditës. Në një spital në Rafah, 16 foshnja kanë vdekur në 30 ditët e fundit dhe shumë persona që kanë dalë prej tij kanë humbur peshë dhe janë sëmurur.
LEXONI GJITHASHTU:
- Palestinezët thirrje për ndihmë, mbi 30 mijë të vrarë e 70 mijë të plagosur në Gaza
- Harris i kërkon Izraelit të sigurojë një plan humanitar “të besueshëm” në Gaza
