4 zyrtarë të Bashkisë Dimal dhe 2 punonjës të një firme private janë vënë në pranga me urdhër të SPAK, me akuzat e korrupsionit pasiv dhe shpërdorimit të detyrës.

SPAK po hetonte prej 2 vitesh këtë dosje, dyshohet për abuzime në ndërtimet pa leje.

Në njoftimin e Prokurisë së Posaçme bëhet me dije se në pranga kanë rënë shtetasit:

1. A.Ç., me detyrë shef transporti në kohën e kryerjes së veprës penal pranë Bashkisë Dimal), i dyshuar për veprat penale të “Ushtrimi i ndikimit të paligjshëm ndaj personave që ushtrojnë funksione publike”, e kryer në bashkëpunim” dhe “Korrupsioni pasiv i personave që ushtrojnë funksione publike”.
   2. A. P., me detyrë drejtor i Zyrës së Urbanistikës, Bashkia Dimal), i dyshuar për veprat penale të “Shpërdorim detyre”, e kryer në bashkëpunim, “Ushtrimi i ndikimit të paligjshëm ndaj personave që ushtrojnë funksione publike”, e kryer në bashkëpunim, “Korrupsioni pasiv i personave që ushtrojnë funksione publike”.
   3. V. J., me detyrë në kohën e kryerjes së veprës penale shefe urbanistike pranë Bashkisë Dimal, e dyshuar për veprat penale të “Shpërdorim detyre”, e kryer në bashkëpunim dhe “Ushtrimi i ndikimit të paligjshëm ndaj personave që ushtrojnë funksione publike”, e kryer në bashkëpunim, “Korrupsioni pasiv i personave që ushtrojnë funksione publike”.
   4. A. Ç., (me detyrë shef i IKMT, Bashkia Dimal), i dyshuar për veprën penale të “Shpërdorimit të Detyrës”.
   5. A. D., me profesion inxhinier pranë një shoqërie tregtare, i dyshuar për kryerjen e veprës penale të “Ushtrimit të Ndikimit të Paligjshëm ndaj personave që ushtrojnë funksione publike”.
   6. V. K., me profesion ekonomist, menaxher i një shoqërie tregtare, i dyshuar për kryerjen e veprës penale të “Korrupsioni aktiv i personave që ushtrojnë funksione publike”.

LEXONI GJITHASHTU:

• Arrestohet ‘koka’ i klanit Duka, kundërshtari i Ervis Martinaj
• Zbulohen tre laboratorë droge në veri të Mitrovicës, arrestohen dy serbë