Korrupsion në Bankën e Gjakut në spitalin e Durrësit, procedohen penalisht 2 persona

Policia e Durrësit ka bërë me dije se ka proceduar penalisht për korrupsion një teknik gjaku, në spitalin rajonal të Durrësit, si dhe një shtetase 45-vjeçare.

Sipas policisë policisë këta dy persona kanë ndihmuar një paciente që të marrë shërbimin e transfuzionit të gjakut kundrejt një pagese prej 5 mijë lekësh të reja.

“Në lidhje me një video të publikuar në rrjetet sociale, në të cilën shfaqet një mjek i Bankës së Gjakut në spitalin e Durrësit, i cili kundrejt pagesës 5000 lekë të rinj, ndihmon një paciente për të marrë shërbimin e transfuzionit të gjakut të dhuruar nga qytetarë të ndryshëm, ju bëjmë me dije se:

Specialistët për Hetimin e Krimeve Ekonomiko-Financiare të DVP Durrës, pas transmetimit të pamjeve, referuan materialet në Prokurori dhe nisi procedimi në gjendje të lirë për shtetasit I. Q., 50 vjeç, banues në lagjen nr. 1, Durrës, me detyrë Teknik gjaku, në spitalin rajonal të Durrësit, për veprën penale “Korrupsioni pasiv i personave që ushtrojnë funksione publike”, dhe A. S., 45 vjeçe, banues në lagjen nr. 17, Durrës, për veprën penale “Korrupsioni aktiv i personave që ushtrojnë funksione publike”, thuhet në njoftimin e policisë.

Veprimet nga ana e policisë erdhën pas publikimit të korrupsionit përmes një videoje në rrjete sociale.

LEXONI GJITHASHTU: 

• Kërcënoi me armë zjarri bashkëshorten dhe fëmijët, arrestohet 40-vjeçari në Kukës
• I plas goma e kamionit teksa po e frynte në një servis, humb jetëm 1 person në Lezhë