Kosova dhe Bahamas nënshkruajnë marrëveshje për heqjen e ndërsjellë të vizave
Kosova dhe Bahamet kanë nënshkruar marrëveshje për heqjen e ndërsjellë të vizave për qytetarët e dy vendeve, njoftoi të martën Presidenca e Kosovës.
Sipas Presidencës, ky vendim dëshmon përkushtimin e përbashkët për forcimin e partneritetit ndërmjet Kosovës dhe Bahameve, si dhe për thellimin e lidhjeve mes qytetarëve të dy shteteve. “Ky hap i afron edhe më shumë qytetarët tanë me njëri-tjetrin”, thuhet në njoftimin e publikuar në Facebook.
Heqja e vizave vjen vetëm një muaj pasi Bahamet njohën pavarësinë e Kosovës, duke u bërë vendi i 121-të në botë që e njeh shtetin e Kosovës. Presidenca sqaroi se kjo marrëveshje ishte paraparë që në dhjetor, kur presidentja e Kosovës, Vjosa Osmani, dhe kryeministri i Bahameve, Philip Davis, nënshkruan marrëveshjen për vendosjen e marrëdhënieve diplomatike mes dy vendeve.
Deri më tani, Bahamet ishin në mesin e 106 vendeve ku qytetarët e Kosovës kishin nevojë për vizë për të udhëtuar. Me këtë marrëveshje, Bahamet bëhen vendi i 53-të në botë ku kosovarët mund të udhëtojnë pa viza.
Në vitet e fundit, vendime të ngjashme për liberalizimin e vizave për qytetarët e Kosovës kanë marrë edhe vende si Tajvani dhe Malajzia.
Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve
Ali Ahmeti për protestën në Tiranë: Shqipëria po merr goditje të forta në turizëm dhe ekonomi
E rëndë në Kavajë, u godit me thikë nga vëllai, humb jetën një person
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve