‘Kosova do konflikte dhe poshtërim të serbëve’, Vuçiç niset drejt Parisit

Serbët në Kosovë vazhdojnë të dorëzojnë dorëheqjet e tyre në institucionet e Prishtinës, pas vendimit për targat.

Pas përfaqësuesve politikë, policëve, gjyqtarëve dhe prokurorëve, sot dorëheqjet kanë dhënë edhe zyrtarët e lartë të komisioneve komunale zgjedhore.

Ndërkohë, presidenti serb Aleksandar Vuçiç tha sot se dy ditët e ardhshme do t’i kalojë në Paris, ku do të takohet me shefin e diplomacisë evropiane, Josep Borrell, të dërguarin special Miroslav Lajçak dhe me presidentin francez Emmanuel Macron.

“Do të shohim se çfarë takimesh të tjera do të ketë. Forumi për Paqe është atje,” tha ai, duke shtuar se gjithçka tregon se si Prishtina i ka planifikuar veprimet e saj.

“Unë nuk mund të përgjigjem për gjithçka që bëjnë këta njerëz, por veprimet e tyre tregojnë se ata në fakt kishin planifikuar gjithçka. Se donin incidente, konflikte dhe poshtërim të popullit serb. E shihni se ata ende nuk heqin dorë nga aktivitetet e tyre të paligjshme”, shtoi presidenti serb, raporton Euronews Serbia.

LEXONI GJITHASHTU:

• Abdixhiku paralajmëron Kurtin: Kosova nuk mund të ecë pa përkrahjen e SHBA-ve
• Jevtiç: Nëse dhuna vijon, edhe serbët në jug të Ibrit të largohen nga institucionet
• Abazoviç: Në Malin e Zi është bërë shumë në luftën kundër grupeve kriminale