Kosova ka marrë një rezultat tejet pozitiv në duelin e parë me Islandën, duke i lehtësuar disi llogaritë për sfidën tjetër që luhet në transfertë. Dardanët zhvilluan një ndeshje te jashtëzakonshme, duke realizuar 2 herë në portën e kundërshtarit. Pjesa e parë u mbyll në shifrat 1-1 pas golave të Dellovës për Kosovën dhe Oskarsson për miqtë.
Më tej në fraksionin e dytë ishte Elvis Rexhbecaj ai që shënoi golin e fitores 2-1, me shumë vlerë për kualifikimin. Në përfundim të ndeshjes, dyshja Krasniqi-Dellova analizuan paraqitjen, ndërsa shtuan se asgjë nuk ka mbaruar.
“Ishte e rëndësishme të japim maksimumin, e arritëm këtë gjë në fushë. Ende nuk ka përfunduar, ka dhe 90 minuta të rëndësishme në Islandë. Të japim dhe atje maksimumin, fitojmë e më pas festojmë”, tha futbollisti Ilir Krasniqi.
Ndërkohë futbollisti Lumbardh Dellova: “Normalisht shkojmë vetëm për fitore, na pret ndeshje e vështirë, kështu që ekipi është mirë, djemtë janë mirë, shkojmë për 3 pikë, të japim më të mirën”.
Ndeshja vendimtare ajo në transfertë luhet më 23 mars.
LEXONI GJITHASHTU:
- Hoxha dhe Shehu: Ndeshja ndaj Anglisë e vështirë, por do të japim maksimumin
- Ish-futbollisti i Kombëtares, Alliu: Kush e zëvendëson Mario Mitajn ndaj Anglisë
