Mario Mitaj do të jetë një mungesë e rëndësishme për Kombëtaren e Shqipërisë në ndeshjet e marsit, sidomos në përballjen kundër Anglisë.

Pyetja që ngrihet është: Kush do ta zëvendësojë këtë lojtari kyç?

Ish-futbollisti i Kombëtares, Ilir Alliu, ka komentuar këtë çështje në emisionin “Max Sport” në “Euronews Albania”.

I pyetur për mungesën e Mitajt, Alliu ka theksuar se trajneri Silvinjo ka një mundësi të vetme për të zëvendësuar lojtarin e djathtë të mbrojtjes.

Sipas Alliut, mbrojtësi Marash Kumbulla është favorit për të luajtur nga minuta e parë në ndeshjen kundër Anglisë.

“Kumbulla, i cili po kalon një periudhë të shkëlqyer me Espanjolin, por që ende nuk ka arritur të përshtatet plotësisht me Kombëtaren, mund të jetë titullar në këtë ndeshje. Përkrah tij, në qendër të mbrojtjes do të pozicionohet Berat Gjimshiti”, tha Alliu.

Sipas tij në krahun e djathtë do të pozicionohet Ardian Ismajli, një rol që ai e ka luajtur edhe më parë dhe nuk është i panjohur për të.

LEXONI GJITHASHTU:

• Hoxha dhe Shehu: Ndeshja ndaj Anglisë e vështirë, por do të japim maksimumin
• Menaxheri i futbollistëve kundër thirrjes së Brojës në Kombëtare: Nuk ka minuta