Kosova nuk do të hyjë në OKB si Palestina, sepse Kosova dëshiron të jetë një anëtare e plotë, jo vetëm një vëzhguese.
Kështu u shpreh këtë të hënë ministri i Jashtëm i Serbisë, Ivica Daçiç.
“Në Asamblenë e Përgjithshme të OKB-së, nga 193 anëtarë, Kosova nuk mund të marrë më shumë se 83”, tha Daçiç në televizionin lokal Happy.
Ai shtoi se katër shtete tashmë e kanë njohur pavarësinë e Kosovës, por nuk do të votojnë për anëtarësimin e saj në OKB, duke shtuar se ka vende që ndryshojnë shpesh qëndrimin e tyre.
“Kosova nuk ka më një shumicë të qetë në OKB, dhe në të njëjtën kohë një vendim i tillë duhet të miratohet nga Këshilli i Sigurimit, dhe kjo është arsyeja pse pozicioni i Rusisë dhe Kinës është vendimtar për ne, pasi ata mund të vënë veton ndaj tij”, theksoi ministri.
LEXONI GJITHASHTU
- Pas 21 nëntorit gjobë 150 euro për targat serbe, Policia e Kosovës sqaron procedurën
- 100 mijë shqiptarë të regjistruar në Serbi, reagon Kurti
- Tensione për targat në Kosovë? Analisti: Nuk dihet porosia e amerikanëve ndaj Kurtit
