Kosova pa viza, Katalonja gëzohet, Spanja nuk ndryshon qëndrim për autonominë

Katalonja në Spanjë duket se po i gëzohet vendimit të qeverisë së Pedro Sanches për njohjen e pasaportave të Kosovës, ndonëse Spanja zyrtarisht nuk e njeh atë si shtet të pavarur.

Një zyrtar i partisë  Bashkë për Katalonjën ka thënë se janë të lumtur për kosovarët dhe të gëzuar që do t’i që tashmë nuk do tu duhet më të lobojnë në Kuvendin e Spanjës për çështjen e pasaportave të Kosovës.

Rajoni i Katalonjas dhe Baskëve kërkojnë prej vitesh autonominë dhe ndarjen nga Spanja, kërkesë e cila është refuzuar vazhdimisht. Kjo ka qenë edhe një nga arsyet se përse Spanja nuk e ka njohur Kosovën si shtet, pasi do t’i hapte rrugë të njëjtit skenar me Katalonjan.

Ndërsa qeverisja rajonale e Katalonjas, e udhëhequr nga e majta republikane, ka deklaruar se sa i takon pavarësisë së Kosovës, qëndrojnë në të njëjtën linjë me institucionet europiane, por është Spanja zyrtare ajo që ka një qëndrim të kundër.

Ky vendim është kundërshtuar edhe nga opozita spanjolle dhe ka prodhuar debate të forta edhe në media e opinionin publik.

Sipas Partisë Popullore në Spanjë, ky vendim i qeverisë për njohjen e pasaportës së Kosovës i hap rrugë një skenari të ngjashëm për pavarësinë e rajonit të Katalonjas dhe pasaportave të tyre.

Por qeveria ka reaguar duke thënë se lëvizja e bërë së fundmi për njohjen e pasaportës nuk ka të bëjë me një zbutje ndaj kërkesave dhe qëndrimeve të Kalalonjas.

LEXONI GJITHASHTU:

• Kosova s’është Katalonja, Kurti: Spanja nuk duhet të krahasohet me Serbinë
• Njohu pasaportat, Spanja: Kjo nuk nënkupton njohjen e pavarësisë së Kosovës