Kosovë, shënohet shifra më e lartë e të infektuarve me Covid-19 për vitin 2021

Në 24 orët e fundit Kosova raporton një numër të lartë të të prekurve me Covid-19, ndërsa tetë persona kanë humbur jetën.

Instituti Kombëtar i Shëndetit Publik bën me dije se nga 3621 teste të bëra, 632 prej tyre janë konfirmuar pozitivë.

“Numri total i rasteve pozitive është 75.380 raste nga 345.064 persona të dyshimtë në virusin SARS-CoV-2 dhe 1.682 raste të vdekjes. Gjatë 24 orëve të fundit, janë shëruar 397 pacientë derisa numri i përgjithshëm i të shëruarve deri më sot është gjithsej 63.380 raste, kurse numri i rasteve aktive është 10.318”, theksohet në njoftimin e IKSHPK-së.

Rastet pozitive:

Prishtinë 276 raste, Gjilan 35 raste, Mitrovicë 34 raste, Podujevë 34 raste, Pejë 33 raste, Gjakovë 28 raste, Ferizaj 25 raste, Fushë-Kosovë 24 raste, Vushtrri 24 raste, Viti 18 raste, Kamenicë 14 raste, Obiliq 12 raste, Suharekë 12 raste, Klinë 11 raste, Prizren 9 raste, Lipjan 8 raste, Drenas 7 raste, Istog 7 raste, Skenderaj 5 raste, Kaçanik 4 raste, Deçan 2 raste, Dragash 2 raste, Rahovec 2 raste dhe me nga një rast komunat Graçanicë, Hani i Elezit, Junik, Kllokot, Malishevë dhe Shtime.

Sipas Institutit Kombëtar i Shëndetit Publik, shifrat e orëve të fundit të të infektuarve me coronavirus janë më të lartat për këtë vit, ndaj autoritetet u bëjnë thirrje qytetarëve të respektojnë masat anticovid.