Kovaçevski dhe Osmani: S’ka urrejtje dhe histeri antibullgare në RMV

Në Maqedoni nuk ka urrejtje dhe histeri antibullgare, as diskriminim sistematik ndaj asnjë komuniteti etnik. Qëndrimi i kryeministrit dhe shefit të diplomacisë maqedonase, Dimitar Kovaçevski dhe Bujar Osmani është i njëjtë pas vendimit të Bullgarisë për tërheqjen e ambasadorit të vet nga vendi.

Përveç vendimit për tërheqjen e ambasadorit nga Maqedonia e Veriut për një periudhë të pacaktuar, Sofja zyrtare kërkon edhe rishikim të projekteve të përbashkëta të dy vendeve, derisa të përmirësohet trajtimi i bullgarëve të Maqedonisë së Veriut në vend.

Osmani thekson se nuk ka politikë shtetërore të diskriminimit ndaj asnjë komuniteti, përfshirë atë bullgar, dhe me keqardhje theksoi se aktivitetet e fundit të Sofjes zyrtare nuk janë në përputhje me praktikën e dakorduar për përmirësimin e marrëdhënieve të ndërsjella.

Tërheqjen e ambasadorit bullgar nga vendi Osmani e konsideron veprim të pabazuar, argumentues dhe disproporcional, por për momentin nuk zbulon nëse Maqedonia do t’i përgjigjet kësaj lëvizje diplomatike të Sofjes reciproke apo në ndonjë mënyrë tjetër.

LEXONI GJITHASHTU:

• Bullgaria veto ndaj RMV, në 4 shkurt mijëra bullgarë do të bëjnë homazhe në Shkup
• Bullgaria lehtëson qasjen në punësim të shtetasve të huaj me kualifikim të lartë