Komisioni Qendror i Zgjedhjeve u ka lënë afat 20 ditë, 94 partive politike për të paguar gjobat e vendosura pas zgjedhjeve të 1 viti më parë.
KQZ sqaron se ka ndjekur rrugën zyrtare të njoftimit të këtyre partive politike përmes adresave të deklaruara prej tyre, por posta shqiptare nuk ka mundur t’i gjejë në këto adresa.
“Bazuar në nenin 162, të ligjit nr. 44/2015 “Kodi i Procedurave Administrative”, për njoftimet publike, nga sot, 94 partitë politike kanë 20 ditë afat për të ekzekutuar vullnetarisht detyrimin e tyre”, thuhet në njoftimin e KQZ.
Një vit më parë Komisioni Qendror i Zgjedhjeve gjobitur me gjoba 1 dhe 2 milionë lekë 106 parti që nuk dorëzuan raportet financiare për vitin 2020 dhe 50 mijë lekë për katër parti të tjera që i patën dorëzuar ato me vonesë.
LEXONI GJITHASHTU:
- KQZ gjobit 106 parti që nuk dorëzuan raportet financiare për vitin 2020
- KQZ i jep mandatin e deputetit Pandeli Majko
