KQZ certifikon “25 prillin”, Rama merr mandatin e fituar në Durrës

Këtë të mërkurë, Komisioni Qendror i Zgjedhjeve ka certifikuar rezultatin përfundimtar të zgjedhjeve parlamentare të 25 prillit. Në bazë të rezultatit, PS ka marrë 74 mandate, aleanca PD-AN 59 mandate, LSI 4 mandate dhe PSD 3 mandate.

Kryeministri Rama ka marrë mandatin në qarkun e Durrësit. Ndërsa, mandatin e fituar në Vlorë nga ana e kryeministrit, e ka marrë Teuta Ramaj.

Kurse, kryetarja e LSI, Kryemadhi ka marrë mandatin në Fier dhe mandatin e saj në qarkun e Tiranës e ka marrë Petrit Vasili.

Ndërkohë, mandatin e ka marrë edhe kreu i Kuvendit, Gramoz Ruçi, i cili pritet ta dorëzojë, pasi më herët ka njoftuar se nuk do jetë në parlamentin e ardhshëm.

LEXONI GJITHASHTU:

• Raporti i KiE-së për zgjedhjet, Gerta Meta: Realist, përdorimi i burimeve shtetërore, problematika mbizotëruese
• Raporti i KiE për “25 prillin”, shqetësim keqpërdorimi i burimeve shtetërore dhe akuzat për blerje vote