KQZ kërkon shtyrjen e vlefshmërisë së dokumenteve të identifikimit pas 6 marsit

Komisioni Qendror i Zgjedhjeve përmes një letre drejtuar Ministrisë së Brendshme ka kërkuar shtyrjen e vlefshmërisë së dokumenteve të identifikimit përtej datës 6 mars.

Më 6 mars do të mbahen zgjedhjet e pjesshme lokale në 6 bashki.

“Sikurse edhe ju e dini, koha nga dekretimi për zhvillimin e këtyre zgjedhjeve deri në datën e zhvillimit të tyre, objektivisht mund të mos iu ketë dhënë mundësinë shtetasve me dokumente identifikimi të skaduara t’i rinovojnë ato”, thuhet në kërkesën drejtuar Ministrisë së Brendshme.

KQZ nënvijëzon edhe faktin që disa bashki ku do të zhvillohen zgjedhjet më 6 mars përfshijnë zona të thella rurale, çka mund të sjellë dekurajim të votuesve potencialë për të rinovuar dokumentet e identifikimit.

LEXONI GJITHASHTU:

• Kush e fiton Shkodrën nëse zgjedhjet do të mbaheshin sot?
• Elton Bano reagon pas kërkesës së PD-së për përjashtimin e tij nga zgjedhjet