“Kraja e mbajti në sirtar dosjen”- Lita paralajmëron padi të tjera për Gërdecin

Gazetari Lavdrim Lita ka folur na Euronews në lidhje marrjen nën hetim të ish-ministrit të Mbrojtjes, Fatmir Mediu, për çështjen Gërdeci.

Lita tha në fjalën e tij se dosja e hetuar prej Altin Dumanit është mbajtur në sirtar nga Arben Kraja dhe në momentin që Dumani u zgjodh në krye të SPAK, firmosi për çuarjen e saj në gjykatë.

Gazetari zbuloi se në ditët në vijim pritet të ngrihen dhe padi të tjera për ish-zyrtarë të lartë në lidhje me çështjen Gërdeci.

“Dosjen e ka hetuar Altin Dumani i cili aktualisht është kreu i SPAK, i cili e kishte përfunduar hetimin dhe  priste firomsjen nga ish-shefi i tij Arben Kraja, i cili për disa muaj e ka mbajtur në sirtar. Me të marrë kryesimin e SPAK Altin Dumani e ka firmosur vetë dosjen e vetë dhe dosja ka shkuar në gjykatë. Gjykata ka ngritur padi ndaj ish-ministrit Mediu dhe priten të ngrihen edhe padi të tjera për të njëjtën dosje. Do të ngrihen padi të tjera ndaj ish-zyrtarëve të përfshirë në hetime”, tha Lita.

LEXONI GJITHASHTU:

• SPAK e akuzon zyrtarisht për ‘Gërdecin’, Mediu: S’e pranoj akuzën, jam i pafajshëm
• Revoltohet Mediu: Po na bëhet gjyqi në media, drejtësi skandaloze
• Mediu: Debati me Bashën kur do digjeshin mandatet dhe deputeti i parë që telefonova