“Kraja është futur në vorbullën politike”, Hajdarmataj: Hetimet për Metën qesharake

Ish-drejtori i Policisë së Shtetit, Arben Hajdarmataj, tha se kreu i SPAK Arben Kraja po përfshihet në retorikën politike sa i përket hetimeve të figurave të rëndësishme politike.

Në një intervistë për ‘Euronews Albania’ ai u ndal edhe tek hetimet për ish-presidentin Ilir Meta, për të cilën tha se është një hetim qesharak.

Ndërsa për kreun e PD Sali Berisha, Hajdarmataj tha se janë çështje që kanë të paktën 10 vite dhe se duhet të ishin mbyllur.

“Sa i përket zotit Meta ne jemi njohur para se të thotë zoti Kraja, për zotin Berisha nuk kemi ditur diçka pavarësisht deklaratave publike. Por do thoja që një hetim për persona publik, nuk ka ndonjë të keqe që publiku të informohet që është në hetim, edhe arsyeja mund të bëhet publike për persona publik. Nëse zoti Kraja këto po i përdor dhe po futet në vorbullën politike mendoj, pra besoj se po bëhet pjesët e presionit politik. Ndalem tek zoti Meta është një hetim qesharak. Për zotin Berisha këto kanë të paktën 10 vite që i dëgjojmë duhet të mbyllen këto, të kishin mbaruar, çështja duhet të ishte mbyllur. Vetë opozita del dhe thotë se shtatori tetori do jetë i nxehtë, del zoti Kraja dhe thotë unë po i hetoj”, tha ai.

LEXONI GJITHASHTU:

• “Skema grabitje e krimi”, Meta paralajmëron protesta të tjera në vijim
• Meta fton qytetarët në protestë: Të bëhemi bashkë, mafia duhet ndalur sot
• A është koordinuar protesta? Kërpaçi: Aksioni s’do ndalet vetëm tek inceneratorët