Kreu i SPAK, Arben Kraja deklaron se me paratë e konsifikuara nga aktivitetet kriminale janë ngritur laboratorë eksperimentalë.
Gjatë raportimit të tij në Komisionin e Ligjeve ai tha se janë blerë dhe paisjet për këta laboratorë.
“Ne kemi ngritur një laborator të ekspertimeve digjitale me fondet e konfiskuara nga aktiviteti kriminal. Kemi aplikuar, kemi marrë fondin, janë blerë pajisjet. Kemi marrë tre nga ekspertët më të mirë që janë në vend e është bërë efecient në fund të vitit 2021. Janë trajnuar prokurorët e hetuesit e BKH. Për periudhën e fundit kanë kryer 118 akte ekspertimi”, tha kreu i SPAK.
Ndërkohë, Kraja nënvizoi në fjalën e tij se askush nuk mund t’i thotë prokurorëve se çfarë të hetojnë.
Ai kujtoi dispozitat ligjore, duke theksuar edhe njëherë se ata veprojnë me kallëzime.
LEXONI GJITHASHTU:
