Kremlini: Perëndimi po kërkon luftë, do ketë pasoja të pashmangshme

Kremlini tha sot se SHBA, NATO dhe disa vende europiane po inkurajonin Ukrainën të vazhdonte atë që ai e quajti “luftën e pakuptimtë” të Kievit me Rusinë dhe i akuzoi ata për përshkallëzimin e tensioneve në javët e fundit.

Ishte zëdhënësi i Kremlinit, Dmitry Peskov, ai që akuzoi disa vende perëndimore për rritjen e tensioneve në javët e fundit duke lejuar Ukrainën të përdorë armët që kishin furnizuar kundër objektivave brenda Rusisë, diçka që SHBA-ja nuk ka pranuar ende publikisht.

“Vendet anëtare të Aleancës së Atlantikut të Veriut, Shtetet e Bashkuara në veçanti, kryeqytetet e tjera europiane, ditët dhe javët e fundit kanë nisur një raund të ri përshkallëzimi.

Ata po e bëjnë këtë qëllimisht. Ata po e inkurajojnë Ukrainën në çdo mënyrë të mundshme për të vazhduar këtë luftë të pakuptimtë. E gjithë kjo, natyrisht, do të ketë pasoja të pashmangshme dhe në fund do të jetë shumë e dëmshme për interesat e atyre vendeve që kanë marrë rrugën e përshkallëzimit”, tha Peskov.

LEXONI GJITHASHTU:

• BE vendos tarifa të reja për importet e grurit nga Rusia dhe Bjellorusia
• Rusia do të ndërtojë central bërthamor në Uzbekistan