Kremlini: Statusi i Ukrainës jashtë NATO-s është themelore për marrëveshjen e paqes

Kremlini njoftoi sot se mosanëtarësimi i Ukrainës në NATO është një çështje themelore në bisedimet për arritjen e një marrëveshjeje paqeje dhe vuri në dukje se kjo është subjekt i një diskutimi të veçantë.

” Sigurisht, kjo çështje është një nga gurët themelorë dhe sigurisht që është subjekt i një diskutimi të veçantë”, tha zëdhënësi i Kremlinit, Dmitry Peskov.

Sipas tij, Rusia pret të informohet nga Shtetet e Bashkuara pas bisedimeve në Berlin midis amerikanëve, evropianëve dhe ukrainasve mbi një plan për zgjidhjen e krizës.

Ndërkohë, presidenti rus Vladimir Putin kërkon që Ukraina të heqë dorë nga ambicia e saj për t’u bashkuar me NATO-n dhe të tërheqë trupat e saj nga 10% e rajonit të Donbasit, provincat Donetsk dhe Luhansk, që ende kontrollon.

Moska po kërkon gjithashtu që Ukraina të mbetet neutrale dhe të mos lejojë vendosjen e trupave të NATO-s në territorin e saj.

LEXONI GJITHASHTU:

• Trump njofton ndërtimin e një harku triumfi në Uashington, si ai në Paris
• Dekreti i Putinit detyron të huajt në Rusi të nënshkruajnë kontratë me ushtrinë