Kreshnik Çollaku: Kosova duhet të dalë nga kompleksi ekzistencial

Kreshnik Çollaku, deputet i Partisë Demokratike, shprehet se Kosova përmes reciprocitetit me Serbinë del nga kompleksi “ekzistencial” ku ka hyrë përmes dialogut.

Sipas tij, nuk është vetëm interesi i Kosovës njohja e ndërsjellë por e njëjta gjë vlen edhe për Serbinë.

“Qëllimi i Kosovës nuk duhet të jetë njohja nga Serbia, duhet të jetë dhe qëllimi i Serbisë njohja nga Kosova. Pse duhet të ecim me këtë kompleksin ekzistencial, mund të ekzistojnë Kosovë edhe 100 vjet të tjera pa e njohur Serbia. Është avantazh që ne vetë ia japim dhe reciprociteti këtë e zhbën”, tha ai.

Zyrtari i PD thotë se në arenën ndërkombëtare njohja e Kosovës nga Organizata e Kombeve të Bashkuara vjen nga vendosja e vetos që bën Rusia dhe Kina në Këshillin e Sigurisë.