Kreshnik Spahiu: PD ka zero shanse për të fituar Tiranën në 2023-shin

Juristi Kreshnik Spahiu deklaroi se Partia Demokratike e ka të pamundur të fitojë Bashkinë e Tiranës në zgjedhjet e ardhshme lokale në vitin 2023.

Në një intervistë për “Euronews Albania”, Spahiu u shpreh se PD ka shumë vite pa fituar në këtë bashki, teksa theksoi se e djatha tanimë është e copëtuar.

“Unë mendoj se zgjedhjet e ardhshme do të jenë beteja për Tiranën. Nëse doni ndryshim politik në 2025, duhet të ndryshojë Tirana. Unë mendoj që Tirana nuk do ndryshojë në zgjedhjet e 2023, dikush do thotë pse? Tirana ka 22 vjet që ende nuk e kanë marrë dot Tiranën.

Ka dhe një arsye tjetër. Ndarja administrative favorizon të majtën sepse me ndarjen administrative, fshatrat e majtë rrotull Tiranës i janë bashkuar Bashkisë së Tiranës. Duke pasur parasysh që kemi një të djathtë të copëtuar, mendoj që shanset e të djathtës për të fituar Tiranën, janë zero”, theksoi juristi.

LEXONI GJITHASHTU

• Beteja për logon e PD, Kreshnik Spahiu: Berisha dhe Alibeaj kanë shanse të barabarta
• Tedi Blushi: PL-ja bashkëpunim me Berishën, koha e opozitës së kapur ka marrë fund
• Kur do zhvillohet protesta e opozitës? Tedi Blushi përgjigjet për Euronews Albania