Kreu i Federatës Spanjolle të Futbollit kërkon falje për puthjen në buzë të lojtares

Presidenti i Federatës Spanjolle të Futbollit, Luis Rubiales, ka kërkuar falje për puthjen në buzë të lojtares Jenni Hermoso, pasi Spanja fitoi Kupën e Botës për femra.

Rubiales e puthi sulmuesen spanjolle gjatë ceremonisë pas fitores 1-0 të skuadrës ndaj Anglisë në finalen e së dielës.

“Nuk më pëlqeu”, tha Hermoso në Instagram, por një deklaratë e lëshuar më vonë në emër të saj mbrojti Rubiales.

Të hënën, Rubiales tha: “Kam gabuar plotësisht, duhet ta pranoj”.

Ai shtoi: “Ishte pa qëllim të keq në një kohë me shumë emocione. Për momentin e pamë të natyrshme, por jashtë është krijuar një bujë. Më duhet të kërkoj falje, të mësoj nga kjo dhe të kuptoj se kur je president duhet të jesh më i kujdesshëm”.

Rubiales ishte kritikuar nga disa ministra të qeverisë spanjolle dhe u kritikua në mediat sociale.

Ministrja e Barazive në Spanjë, Irene Montero, tha: “Është një formë e dhunës seksuale që gratë vuajnë çdo ditë”.

LEXONI GJITHASHTU:

• Kreu i Federatës Spanjolle të Futbollit kritikohet për puthjen në buzë të lojtares
• Në kërkim nga autoritetet spanjolle, arrestohet 33-vjeçari në Vlorë