Kreu i OKB: Lindja e Mesme është në buzë të greminës

Sekretari i Përgjithshëm i OKB-së Antonio Guterres mbajti një fjalim në seancën e Këshillit të Sigurimit  të OKB-së për Gazën.

Guterres tha se Lindja e Mesme është në buzë të një gremine pas përshkallëzim të rrezikshëm në fjalë dhe veprime të ditëve të fundit.

“Një llogaritje e gabuar, një komunikim i gabuar, një gabim mund të çojë në një konflikt rajonal të shkallës së plotë që do të ishte shkatërrues për të gjithë të përfshirë dhe për pjesën tjetër të botës”, tha ai.

Duke deklaruar se rreziku në rajon është në nivelin e tij më të lartë, Guterres bëri thirrje për moderim për të gjitha palët dhe tha: “E ritheksoj se dënoj fuqishëm përshkallëzimin serioz të shkaktuar nga sulmi në shkallë të gjerë i nisur nga Irani kundër Izraelit më 13 prill.

“Përdorimi i forcës kundër integritetit territorial ose pavarësisë politike të çdo shteti ose në çfarëdo mënyre që nuk është në përputhje me qëllimet e Kombeve të Bashkuara është i ndaluar nga Karta e OKB-së”, tha ai.
Duke dënuar sulmin e Izraelit ndaj Konsullatës iraniane në Damask, kryeqyteti i Sirisë, Guterres tha: “Parimi i imunitetit të ndërtesave diplomatike dhe konsullore dhe personelit duhet të respektohet në të gjitha rastet, në përputhje me ligjin ndërkombëtar”.

LEXONI GJITHASHTU:

• OKB e pakënaqur nga Izraeli, Guterres kërkon të mbahen premtimet
• Guterres: Strategjia e luftës së Izraelit në Gazë vrau punëtorët e ndihmës