Kreu i Wagner, Prigozhin humb jetën në një aksident me avion në Rusi

Shefi i Wagner, Yevgeny Prigozhin, humbi jetën pasi një avion privat me të cilin ai udhëtonte u rrëzua në Rusi.

7 pasagjerë dhe 3 anëtarë të ekuipazhit ishin në bordin e avionit Embraer, i cili po udhëtonte nga Moska në Shën Petersburg, njoftoi agjencia e lajmeve TASS. Të gjithë humbën jetën.

Avioni thuhet se është rrëzuar në rajonin Tver, në veri të Moskës.

Video të shumta të postuara në rrjetet sociale tregojnë avionin duke u rrëzuar.

Prigozhin, i cili besohet të ketë qenë në bordin e fluturimit, u dërgua në Bjellorusi pas marshimit të tij në Moskë. Ai e anuloi kryengritjen dhe mercenarët e tij u tërhoqën pasi udhëheqësi bjellorus Aleksandër Lukashenko ndihmoi ndërmjetësimin e një “marrëveshjeje”.

Dikur një i besuar i ngushtë i Vladimir Putinit, Prigozhin kishte kritikuar shpesh ministrin e mbrojtjes Sergei Shoigu dhe gjeneralin e lartë Valery Gerasimov në fjalimet publike për formën si po e trajtonin pushtimin e Ukrainës.

LEXONI GJITHASHTU:

• Raportohet shkarkimi i gjeneralit rus, s’është parë që nga rebelimi i Wagnerit
• Lituania mbyll dy pika kufitare të Bjellorusisë për shkak të kërcënimit nga “Wagner”