Vendimi i Gjykatës Europiane të Drejtësisë mbi Superligën Europiane nuk ka gjetur përkrahje nga të gjithë klubet e mëdha.

Kjo vjen pasi disa prej tyre nga shtete të ndryshme kanë filluar të dalin kundër idesë për krijimin e një kompeticioni të ri europian.

Mësohet se kundër këtij vendimi për krijimin e Superligës Europiane janë shprehur 3 klube të mëdha europiane, Bajern Mynih, Mançester Junajtid dhe Atletiko Madrid.

Ishte drejtori i Bajernit dhe zëvendëskryetari i Shoqatës së Klubeve Evropiane, Jan Kristian Dresen,  i cili pas vendimit të sotëm të Gjykatës Europiane të Drejtësisë, u shpreh kundër idesë së krijimit të Superligës Europiane.

“Ne kemi marrë parasysh vendimin e Gjykatës Europiane të Drejtësisë. Megjithatë, kjo nuk e ndryshon qëndrimin e FC Bajern dhe ECA se një garë e tillë do të ishte një sulm ndaj rëndësisë së ligave kombëtare dhe strukturës së futbollit evropian.

Bundesliga është themeli i FC Bajern, ashtu si të gjitha ligat kombëtare janë themeli i klubeve të tjera europiane të futbollit. Prandaj është detyra jonë dhe bindja jonë e thellë t’i forcojmë, jo t’i dobësojmë.

Ne jemi të përkushtuar edhe në garat europiane të klubeve nën ombrellën e UEFA-s. Kështu që më lejoni ta bëj shumë të qartë edhe një herë se dera e Superligës mbetet e mbyllur në FC Bajern”, deklaroi drejtori i gjigandit bavarez.

Po ashtu, dhe anglezët e Mançester Junajtid janë shprehur kundër idesë së krijimit të Superligës Europiane.

LEXONI GJITHASHTU:

• A do jetë pjesë në protestën e Berishës para Gjykatës? Meta: S’është e rëndësishme
• Heqja e imunitetit të Berishës, Meta: Vendim anti-kushtetuese, mazhoranca ka frikë