Krime lufte në Ukrainë, ekspertët vazhdojnë zhvarrimet në qytetin e Limanit

12 Tetor 2022 | 18:48

Ekspertët mjeko-ligjorë kanë nxjerrë trupa të shumtë nga një varr masiv në qytetin ukrainas të Limanit.

Autoritetet po përpiqen të mbledhin provat për një periudhë 4-mujore, gjatë të cilit qyteti lindor ishte nën pushtimin rus.

Trupat e fundit të gjetur i përkasin ushtarëve ukrainas të varrosur bashkërisht në varrin masiv.

“Kemi gjetur trupat e më shumë se 50 ushtarëve dhe civilëve. Varri masiv është i madh, por varet nga këndvështrimi i gjithsecilit. Edhe trupat janë shumë”, thotë Pavlo Kyrylenko, drejtues i administratës ushtarake të Donjeckut.

Mes të vdekurve po gjenden edhe fëmijë, por shumica e viktimave duket se kanë vdekur nga bombardimet.

Hetuesit thonë se kanë zbuluar edhe prova për ekzistencën e dhomave të torturave, por tregohen të kujdesshëm për këtë pistë dhe për të treguar nëse viktimat kanë shenja torturash.

Limani është në duart e forcave ukrainase që prej fundit të shtatorit, muaj kur kundërofensiva e tyre çoi në rimarrjen nën kontroll të territoreve të shumta në rajonet e Kharkivit, Donjeckut dhe Khersonit.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Kim Jong Un bëri thirrje për zgjerimin eksponencial të arsenalit bërthamor të Koresë së Veriut

Udhëheqësi i Koresë së Veriut, Kim Jong Un, ka bërë thirrje për një zgjerim eksponencial të arsenalit bërthamor të vendit, njoftoi agjencia shtetërore e lajmeve...
08:22 | 04/06/2026

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut

Izraeli dhe Libani kanë rënë dakord për zbatimin e një armëpushimi të ri, i cili kushtëzohet nga ndalimi i plotë i sulmeve të Hezbollahut, njoftoi...
07:18 | 04/06/2026