“Krimet monstruoze i kryen shqiptarët”- VV i përgjigjet Nurellarit: Ja video e plotë

Sekretari për Mediat në Lëvizjen Vetëvendosje, Arlind Manxhuka, ka reaguar në lidhje me videon e publikuar nga anëtari i Kryesisë së PDK-së, Adri Nurellari, në emisionin “Now” në Euronews Albania, ku dëgjohej një fragment i fjalimit të Albin Kurtit kur ishte në opozitë, dhe ku thuhej se krimet monstruoze gjatë luftës i kanë kryer shqiptarët.

Manxhuka thotë që video e publikuar nga Nurellari është nxjerrë jashtë kontekstit me qëllime keqdashëse.

Sekretari për mediat i VV-së ka publikuar në rrjetin e tij social facebook videon e plotë, ku Kurti dëgjohet të thotë se pas krijimit të Gjykatës Speciale, shqiptarët do të akuzohen se kanë kryer krime monstruoze gjatë luftës.

REAGIMI

Ironikisht por edhe paturpësisht, ata që thirrjen kryesore e kanë se “Historia nuk mund të rishkruhet”, shpërndajnë dhe krijojnë LAJME TË RREME me qëllim ndryshimin e historikut të formimit të Gjykatës Speciale.

Ditë më parë, deputeti i PDK-së Hisen Berisha në Kuvend, e mbrëmë edhe anëtari i Kryesisë së PDK-së, Adri Nurellari në Euroneës Albania iu referuan dhe përdorën në mënyrë manipulative një deklaratë të shkëputur të kryeministrit, atëherë Kryetar dhe deputet i LV-së, pikërisht nga fjalimi i tij në Kuvend kundër formimit të Gjykatës Speciale.

Qëllimisht është hequr pjesa ‘’PAS KRIJIMIT TË KËSAJ GJYKATE….’’, pra në atë që Kryeministri Kurti tregonte se çka do të ndodhte me rrëfimin për luftën çlirimtare nëse krijohet kjo Gjykatë.

Në videon më poshtë mund të shihni deklarimet publike të deputetit të PDK, Berisha dhe anëtarit të kryesisë të kësaj partie, Nurellari, përballë deklaratës së plotë të Kryeministrit Kurti.

P.s. Në koment e gjeni videon e plotë të fjalimit.

LEXONI GJITHASHTU:

• Mbrojtja: Thaçi nuk kishte fuqi të parandalonte apo ndëshkonte krimet
• Trondit prokurori: Thaçi mohoi rolin e UÇK dhe persekutoi anëtarët e LDK
• Negociatat e Thaçit, diplomati: Deputetët u kërcënuan, u vranë personalitete