Krimet ruse në Kherson, rajoni duhet të çlirohet nga minat dhe armët

Ukrainasit  e mirëpritën me lot dhe lumturi tërheqjen e Rusisë nga Kherson, ndërsa Kievi  ende shprehet  se po punon për të çminuar qytetin strategjik jugor, për të regjistruar krimet ruse dhe për të rivendosur pushtetin në të gjithë rajonin.

Kherson ishte një nga katër rajonet në Ukrainë që Presidenti rus Vladimir Putin pretendoi se e  aneksoi  në shtator përmes referendumit.

Presidenti ukrainas Volodymyr Zelenskyy tha se forcat ukrainase kanë vendosur kontrollin në më shumë se 60 vendbanime në rajonin e çliruar.

Presidenti  shprehu  falënderimet e tij për trupat që ndihmuan në rimarrjen e qytetit  pas tërheqjes së Rusisë.

Televizioni shtetëror rus transmetoi pamje që tregonin se banorët e Nova Kakhovka në rajonin Kherson fshiheshin në strehimore gjatë bombardimeve.

Sipas raportimeve  qendra e qytetit u bombardua  kur rreth 200 civilë, përfshirë 30 fëmijë, po hipnin në autobusë për t’u evakuuar. Fatmirësisht nuk ka të dhëna për viktima.

LEXONI GJITHASHTU:

• Ukrainasit festojnë në Kherson pas tërheqjes së trupave ruse
• Khersoni është ukrainas, banorët ngrenë flamujt kombëtarë