‘Kriminelët do dalin para drejtësisë’, Lista Serbe reagon ndaj deklaratës së Sveçlës

Lista Serbe ka reaguar pas deklaratës së ministrit të Punëve të Brendshme të Kosovës, Xhelal Sevçla, i cili tha se të gjithë kriminelët, përfshirë edhe Millan Radoiçiç do të dalin para drejtësisë.

Në reagim thuhet se Radoiçiç është me popullin e tij dhe se asnjë kërcënim dhe akuzë e inskenuar nuk do ta ndajnë nga ata që e besojnë, shkruan N1.

“Pafuqia dhe nervozizmi i Xhelal Sveçlës po del gjithnjë e më shumë në pah këto ditë. Pas vizitave të tij në veri të Kosovës dhe tërbimit të forcave të tij speciale, ai solli një situatë të nxehur në terren dhe detyroi popullin serb të mbrohej me barrikada, ai vazhdon me akuza të rreme kundër serbëve, veçanërisht kundër nënkryetarit të Listës Serbe, Milan Radoiçiç”, thuhej ndër të tjera në reagim.

Lista Serbe, partia udhëheqëse e serbëve të Kosovës, e cila ka mbështetjen e Beogradit zyrtar, përveç pushtetit absolut në nivel lokal, merr pjesë edhe në punën e Qeverisë së Kosovës dhe ka të dhjetë ulëse në Kuvend, të rezervuara për komunitetit serb.

LEXONI GJITHASHTU

• Qeveria e Kosovës akuzon Listën Serbe se po mbron bandat kriminale
• Duam të rrëzojmë nga pushteti qeverinë e Kurtit, thotë Lista Serbe

• ‘Sanksione nga SHBA, në kërkim nga Kosova’, kush është Radoiçiç i listës serbe