Kriteri i pasurisë ‘djeg’ ish-kreun e Krimeve të Rënda Blerim Tominaj

Blerim Tominaj ish-drejtues i Prokurorisë së Krimeve të Rënda nuk mundi të kalojë procesin e vetingut. Ai u shkarkua nga detyra për mosjustifikim të pasurisë në vlerën e disa dhjetëra mijë eurove.

Tominaj nuk u paraqit ne seancë ku u lexua vendimi që e pezullon nga detyra. Prokurori kishte në pronësi dy lokale dhe disa pasuri të tjera të paluajtshme për të cilat nuk kishte burime ligjore për t’i justifikuar.

Deri në vendimin e apelit, Blerim Tominaj do të qëndrojë i pezulluar duke përfituar 75% të pagës si prokuror.

Gjatë ditës së djeshme, Komisioni i Pavarur i Kualifikimit shkarkoi nga detyra dy gjyqtarët Bernina Kondi dhe Petrit Aliaj, ndërsa pritet të merret vendimi edhe për gjyqtaren Fatmira Hajdarin.

Lexoni gjithashtu: 

Llogari para vettingut, Fatmira Hjadari përlotet: S’kam gënjyer asnjëherë në deklarimet e mia

Vetingu shkarkon dy gjyqtarë apeli