Kriza e çmimeve e karburanteve, Japonia fillon nxjerrjen e naftës nga rezervat shtetërore

Nga e enjtja në orën 11:00 sipas kohës lokale, Japonia do të filloj të lirojë naftë për 30 ditë nga rezervat e saj shtetërore. Kjo është pjesë e një plani më të gjerë për të liruar deri në 45 ditë në total, më i madhi ndonjëherë, së bashku me lirimet nga rezervat e sektorit privat që filluan më 16 mars.

Tokio gjithashtu planifikon të lirojë naftë nga rezervat e mbajtura së bashku me vendet prodhuese deri në fund të muajit, tha Kryeministri Sanae Takaichi.

Japonia importon më shumë se 90% të naftës së saj të papërpunuar nga Lindja e Mesme.

Dhe pasi çmimet e karburantit arritën nivele rekord prej 190 jen për litër, Japonia nxori subvencione për t’i kufizuar ato në rreth 170 jen për liter.

Të mërkurën, kreu i Agjencisë Ndërkombëtare të Energjisë, Fatih Birol, tha se agjencia është e përgatitur të lirojë më shumë rezerva nafte kur të jetë e nevojshme.

Ai i bëri komentet gjatë një vizite në Tokio, ku Takaichi i kërkoi IEA-s “të përgatitej për të zbatuar një njoftim shtesë në rast se situata zgjatet” mes luftës SHBA-Izrael me Iranin.